Tvö mál

Ung var ég Þorsteini Pálssyni gefin. Sautján ára. Sunnlendingar sættu sig ekki við DO sem formann fyrr en löngu síðar. Ef þá. Ég þekki fólk sem heldur að ég sé að grínast þegar ég segist ekki ætla að kjósa íhaldið í vor. Þetta er ekkert grín. Stór hluti af því að verða fullorðinn er að öðlast þroska til að viðurkenna mistök. Ég var t.d. orðin bráðstálpuð þegar ég lærði að biðjast fyrirgefningar. Sjálfstæðisflokkurinn er ennþá 7 ára hvað þetta varðar. Alltaf skulu þeir þræta, með peningana í annarri hendi og flöskuna í hinni. Nei þetta voru ekki mistök, byggt á þeim forsendum sem lágu fyrir á sínum tíma. Andskotans fífl! Fundurinn áðan var flottur, Guðfríður Lilja heldur áfram að skora stig og Helgi Hjörvar kom mér á óvart. Við sem erum af Power Point kynslóðinni hljótum að dást að mönnum sem geta haldið 12 mínútna, vel flutta, innihaldsríka ræðu, blaðalaust. Mér skilst að ég hafi sést í 10-fréttunum á RÚV. Vona að mamma hafi ekki verið að horfa, sagði henni að ég ætlaði í sund, vil síður verða heimilislaus í svona miklu frosti.

Næstbesta drengjaband sögunnar hefur endurgert mesta dramalag í geimi. Flutningur Westlife á Total Eclipse of the Heart eftir Jim Steinman er ekki eins kröftugur og orginal útgáfan með Bonnie Tyler enda tíðarandinn annar í dag og blómatími hinnar hádramatísku powerballöðu að vissu leyti liðinn, þó Íslendingar virðist ekki ætla að átta sig á því fyrr en 10. maí n.k. Hinsvegar þykir mér miður að sjá og heyra að mínir fríðu jafnaldrar frá Írlandi hafa ákveðið að sneiða hina tímalausu Turn around bright eyes-falsettu aftan af laginu, setninguna sem Rory Dodd bakraddasöngvari gerði að mest sungnu laglínu ársins 1983.

Hvert stefnir þessi veröld eiginlega?

Athugasemdir

[Sorellina (IP-tala skráð) 19.3.2007 kl. 23:08]

Mér þykir nauðsynlegt að það komi fram í þættinum að Backstreet Boys eru besta drengjaband sögunnar!  "You're as cold as Ice, and willing to sacrifice our love"

[GK, 19.3.2007 kl. 23:36]

Já, allt er í heiminum hverfult...

[Ágústa Kr Andersen, 20.3.2007 kl. 09:49]

Ja, hún hlýtur að fara batnandi þegar argasta íhald sest á fremsta bekk með 'andstæðingum'...

[Karen Guðmundsd. (IP-tala skráð) 20.3.2007 kl. 11:00]

Hei, vissirðu að nýjasta myndbandið með Take that (sem er by the way laaaaang svalasta drengjahljómsveit EVER) er tekið upp á Íslandi????  It is good to be an Icelander!!!!

[sif síunga (IP-tala skráð) 20.3.2007 kl. 12:13]

nohh bara Íslandsvinir!!  Uppáhaldssetningin mín.......

 Já ég verð að viðurkenna að ég er ein af þeim sem trúði því ekki að Ágústa myndi skipta um skoðun varðandi íhaldið.  Hef lengi talið að hún væri að djóka með þetta en það staðfestist í tíu fréttunum í gærkvöldi að hún er ekki að djóka.  Go Go ;-)

[Sigga Hrönn, 20.3.2007 kl. 12:49]

Ágústa, Ágústa.... er svo stolt af því að eiga vinkona sem er í stöðuguþroskaferli og kann að skipta um skoðun!!!

Hver hefur ekki tekið skrens með Bonnie Tyler með klingjandi glas í einar og sportblis í hinni... Those where the days.

[Abraham, 20.3.2007 kl. 12:54]

Heyr !  Heyr !!

Ég get skotið yfir þig skjóshúsi ef skilyrðið fyrir búsetu í Greniásnum er að vera íhald.

Tek s.s. við pólítískum flóttamönnum ( a.m.k. þeim sem eru frænkur mínar)

Ollamagga